Vipimo vya vinasaba vyaoana na mafuvu yaliyopo Ujerumani

Vipimo vya sampuli za vinasaba vilivyochukuliwa mwaka 2018 vinaonesha kwamba mzee Zablon Ndesamburo ni ndugu wa damu wa Sindato Kiwelu, aliyekuwa mshauri wa Chifu Mangi Meli, kiongozi wa Wachaga wa Kilimanjaro, ambaye alinyongwa na wanajeshi wa Kijerumani, na ambaye fuvu lake lipo nchini Ujerumani. Zablon pamoja na ukoo wake wanataka fuvu la ndugu yao lirudishwe na walipwe fidia.