Zelensky:Tutaendelea na usafirishaji nafaka bila Urusi

Katika maoni yaliyosambazwa kwenye mitandao ya kijamii na msemaji wake, Seriy Nykyforov, Zelensky amesema hata bila ya Shirikisho la Urusi, kila kitu kinapaswa kufanywa ili waweze kutumia njia ya Bahari Nyeusi.

Zelensky aliongeza kuwa hawaogopi na kwamba kampuni za usafirishaji zimewafuata na ziko tayari kuendelea na usafirishaji.

Soma pia:Urusi huenda isirefushe mpango wa usafirishaji nafaka

Katika hatua nyingine, Rais wa Halmashauri Kuu ya Umoja wa Ulaya Ursula von der Leyen amesema leo kuwa uamuzi wa Urusi wa kuahirisha mkataba huo wa usafirishaji nafaka ni hatua isiyokuwa na maanana kuongeza kuwa Umoja huo utaendelea kufanya kazi katika kuhakikisha usalama wa chakula kwa nchi maskini.