Zaidi ya Wapalestina 20,000 waelezwa kuuwawa Gaza

Idadi hiyo inawakilisha karibu asilimia moja ya wakaazi wa eneo hilo kabla ya mapigano hayo kuanza.Wizara hiyo ya afya imeongeza kuwa zaidi ya watu 53,000 wamejeruhiwa huku asilimia 85 ya watu milioni 2.2 wa Gaza wamelazimika kuyahama makaazi yao. Wizara hiyo ya afya haitofautishi kati ya raia na wapiganaji waliojeruhiwa japoimeeleza kuwa, idadi kubwa ya waliopoteza maisha ni wanawake na watoto. Israel yenyewe wakati mwengine imetilia shaka juu ya uaminifu wa takwimu za vifo na majeruhi zinazotolewa na wizara hiyo ya afya inayoendeshwa na Hamas.