1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
Sheria na HakiAfrika

Hofu yatanda Msumbiji kabla ya maandamano ya upinzani

Bruce Amani
6 Novemba 2024

Mji mkuu wa Msumbiji, Maputo umesalia katika hali ya wasiwasi kabla ya kufanyika maandamano ya upinzani. Kiongozi wa upinzani Venancio Mondlane ameitisha kile alichokiita maandamano ya "uhuru".

https://p.dw.com/p/4miA4
Maputo, Msumbiji | Polisi ikiwatawanya waandamanaji
Polisi wa kutumia ghasia wakiwatawanya waandamanaji MsumbijiPicha: Jaime Álvaro/DW

Kumeshuhudiwa wiki kadhaa za maandamano ya kupinga matokeo ya uchaguzi ambayo yamesababisha vifo vya watu 18.

Maduka na mabenki mjini Maputo yalifungwa mapema leo na mitaa haikuwa na watu. Magari ya polisi na jeshi yaliwekwa katika maeneo tofauti ya mji.

Nchi hiyo ya Kusini mwa Afrika imekuwa na mgogoro wa kisiasa tangu tume ya uchaguzi ilipotangaza kuwa chama cha Frelimo, ambacho kimekuwa serikalini kwa karibu miaka 50, kilishinda uchaguzi wa Oktoba 9.

Soma pia:Makabiliano Msumbiji polisi ikitawanya maandamano ya uchaguzi

Mondlane, ambaye yuko mafichoni, ameandika kwenye mitandao ya kijamii kuwa atashiriki katika maandamano hayo.

Shirika la Human Rights Watch lilisema vikosi vya usalama viliwauwa waandamanaji 18 tangu uchaguzi huo.

Nacho Kituo cha Demokrasia na Haki za Binaadamu - CDD kimesema watu 24 waliuawa katika ukandamizaji wa polisi dhidi ya waandamanaji. Amnesty International leo imeihimiza serikali kusitisha ukiukaji wa haki za binaadamu na kuheshimu haki za kila mmoja kujieleza na kukusanyika kwa amani.