Ukraine yadungua droni na makombora yaliyorushwa na Urusi

Hata hivyo, kulingana na maafisa wa Kyiv, mabaki ya droni hizo yaliharibu ghala moja katika bandari ya Bahari Nyeusi kwenye mji wa Odesa.

Gavana wa Odesa, Oleh Kiper, amesema mifumo ya anga iliangusha droni 9 zilizotengenezwa Iran, lakini hakukuripotiwa majeruhi.

Soma pia:Urusi yauwa 6, yajeruhi 16 kaskazini mashariki mwa Ukraine

Aidha Wizara ya mambo ya ndani imesema mashambulizi hayo pia yalilenga mikoa ya Kherson kusini na mashariki mwa Donesk na kaskazini mashariki mwa Sumy.

Urusi ambayo inakana kuwalenga raia, haijasema chochote juu ya shambulizi hilo.