Trump asema hataacha kuwania urais

Donald Trump ameyasema hayo katika mahojiano kwenye kipindi cha redio cha John Fredericks, siku moja tu baada ya kukabiliwa na mashtaka mapya ya kumiliki nyaraka zilizoanishwa kuwa "siri ya serikali."

Awali, waendesha mashtaka nchini humo walidai kuwa Trump alimtaka mfanyakazi wake kufuta picha za kamera katika makaazi yake mjini Florida katika juhudi za kuzuia uchunguzi juu ya nyaraka hizo.

Mashtaka mapya yanajumuisha kuzizuia kwa makusudi taarifa nyeti za ulinzi wa taifa, na kuongeza maelezo mapya katika kesi ya jinai iliyofunguliwa dhidi ya rais huyo wa zamani na msaidizi wake wa karibu.