Safari za ndege zasitishwa Frankfurt kutokana na maandamano

Mamlaka zimesema, waandamanaji hao waliingia ndani ya uwanja huo na kukataa kuondoka na wengine wakavamia eneo ambako ndege huondokea.

Uongozi wa uwanja wa Frankfurt hata hivyo muda mfupi baadaye ulitangaza kuendelea tena na shughuli zake baada hali kutulia.

Hii ni mara ya pili kwa wanaharakati hao kuandamana na kutatiza shughuli wakiitaka serikali ya Ujerumani iingie makubaliano ya kimataifa ya kuachana na matumizi ya mafuta, gesi na makaa kufikia mwaka 2030.