Putin apongeza Afrika inavyoshughulikia masuala ya kimataifa

Katika mkutano huo wa kilele, Rais Putin ameahidi kupanua mahusiano ya kisiasa na kibiashara na bara hilo.

Akihutubia mkutano wa kilele wa Urusi na viongozi wa Afrika kwa siku ya pili mjini Saint Peterburg, Putin amesema Urusi itachambua kwa karibu pendekezo la amani kwa Ukraine ambalo viongozi wa Afrika wanataka kulifuata.

Soma zaidi: Putin asema Urusi imetia saini makubaliano ya ushirikiano wa kijeshi na zaidi ya nchi 40 za Afrika

Ameongeza kuwa hilo ni suala kubwa na hawataepuka kulizingatia akisisitiza kuwa serikali yake inalichukulia pendekezo hilo kwa heshima na umakini.

Putin pia amewahimiza viongozi hao kuzungumza na Ukraine ambayo imekataa kushiriki katika mazungumzo hadi Urusi itakapoondoa vikosi vyake nchini humo.