Papa Francis akamilisha ziara yake Ureno kwa kuongoza misa

Kiongozi wa kanisa Katoliki, Papa Francis, amekamilisha ziara yake ya siku tano nchini Ureno kwa kufanya misa ya Jumapili. Misa hiyo inakadiriwa kuwa imedhuriwa na karibu watu milioni 1.5 waliokuwa wameweka kambi katika uwanja mkubwa waliohudhuria hitimisho la siku ya vijana duniani.

Soma pia: Maelfu wajitokeza kumuona Papa nchini Ureno

Katika ibada hiyo iliyofanyika kwenye eneo takatifu la Fatima, Papa hakutoa hotuba bali amezungumza na vijana na kufanya maombi maalumu kwa ajili ya amani ya Ukraine.

Sehemu ya maombi yaliyofanywa na kiongozi huyo wa kanisa katoliki duniani imechapichwa na Vatican katika mtandao wa kijamii wa X uliokuwa ukijulikana kama Twitter hapo awali. Misa hiyo imefanyika mapema ili kuepuka joto kali linalotarajiwa kufika nyuzi joto 40 za Celcius mchana wa leo mjini Lisbon.