Machafuko yazuka Sweden baada ya kuchomwa kwa Quran

Polisi katika mji wa Malmo wamesema walishambuliwa kwa mawe na magari kadhaa yameteketezwa moto ikiwemo magari yaliyoegeshwa katika gereji ya chini kwa chini.

Machafuko hayo yalianza jana Jumapili kwa mujibu wa polisi na yameendelea usiku kucha.

Soma pia:Sweden kuimarisha doria za mpakani kufuatia kuteketezwa kwa Qur'an

Yalizuka baada ya mwanaharakati anayepinga Uislamu Salwan Momika jana Jumapili kuteketeza nakala ya kitabu cha Quran na kundi la watu wenye hasira walijaribu kumzuia wakati kwa upande mwingine Polisi wakiwakamata watu chungunzima.

Kufikia leo asubuhi mapema,kundi la watu wenye ghadhabu,wengi vijana pia walitia moto matairi nakufanya uharibifu mwingine katika eneo la Rosegard kwenye mji huo wa Malmo.

Hivi karibuni Sweden imekuwa ikiandamwa na matukio ya namna hiyo yanayosababisha na kuchomwa kwa kitabu cha Quran.