Kim ausifu uhusiano unaotanuka wa Korea Kaskazini na Urusi

Baadhi ya ripoti za vyombo vya habari zinasema huenda ziara hiyo ya Putin ikafanyika wiki ijayo na shirika la habari la Japan, NHK, linasema Putin atafanya ziara Vietnam pia.

NHK linaripoti kuwa, katika ziara hiyo Putin atakuwa anatafuta ushirikiano mkubwa wa kijeshi na Korea Kaskazini kwa kuwa Urusi inakabiliwa na upungufu wa silaha katika vita vyake na Ukraine.

Korea Kaskazini nayo inadaiwa kuwa inataka usaidizi wa teknolojia baada ya kushindwa kuweka setalaiti yake ya pili ya upelelezi katika mzunguko wa dunia, mwishoni mwa mwezi Mei.

Urusi na Korea Kaskazini zote hazijathibitisha taarifa hizo za ziara ya Putin.