Idadi kubwa ya watu wauwawa Nigeria

Mwandishi wa Shirika la Habari la Ufaransa AFP aliyehesabu miili ya watu hao katika hospitali kuu mjini Kano, amesema mingi imeonekana kuwa na majeraha ya risasi. Kiasi ya watu 100 wamekuwa wakisubiri nje ya chumba cha maiti kuchukua miili ya jamaa zao. Akielezea hali ilivyokuwa shuhuda mmoja alisema "Kumesikika sauti ya milipiko kama minne. Na kuna miiili ya watu watatu mbele ya ofisi ya uhamiaji. Na pia tulisikia milipuko kadhaa ya mabomu na risasi mbele ya kituo cha polisi". alisema shuhuda huyo. Kundi la Waislam wenye msimamo mkali la Boko Haram limekiri kuhusika na mauwaji hayo.