Ghala la jeshi la Chad laripuka

Bila kutoa idadi kamili, Rais Mahamat Idriss Deby Itno katika ujumbe aliouandika kwenye mtandao wa kijamii wa Facebook, amesema watu kadhaa wamepoteza maisha na kujeruhiwa kutokana na mripuko huo.

Moto huo unadaiwa kuzimwa baada ya saa sita usiku.

Soma zaidi: Moto wateketeza hifadhi kubwa ya silaha za jeshi mji mkuu wa N'Djamena

Waziri wa Mambo ya Nje, Abderaman Koulamallah, pia amesema kwamba kulikuwa na miripuko kadhaa na akawataka raia wawe watulivu.

Kulingana na shahidi mmoja aliyezungumza na shirika la habari la AFP, miripuko hiyo ililiharibu paa la nyumba yake na yeye na watoto wake wakalazimika kutafuta hifadhi maeneo mengine kwa hofu kwamba nyumba zao zingeporomoka.