Biden asema Putin anapoteza vita nchini Ukraine

Alipoulizwa na maripota katika ikulu ya White House iwapo Putin hivi sasa ni dhaifu zaidi, Biden alisema ni vigumu kusema, lakini wazi kwamba anapoteza vita nchini Ukraine na anapoteza pia vita nyumbani.

Biden pia amemtaja Putin kama mtu alietengwa na ulimwengu.

Ikulu ya White inaendelea kuchukuwa tahadhari katika tafsiri yake ya matukio ya wiki iliyopita nchini Urusi, ambako vikosi kutoka kundi la Wagner, mojawapo ya vikosi vyenye uwezo zaidi vya jeshi la Urusi nchini Ukraine, viliasi na kutishia kuishambulia Moscow kabla ya kubadili mwelekeo.

Biden anaongoza kampeni ya mataifa ya magharibi kuiunga mkono Ukraine katika upinzani wake dhidi ya uvamizi wa Urusi ulioanza Februari mwaka uliopita.