Biden ampendekeza Harris baada ya kujiondoa mbioni

Alimpendekeza makamu wake Kamala Harris kuchukua nafasi yake katika mbio za kuingia Ikulu. Harris katika taarifa aliisifu hatua ya Biden kukataa uteuzi wa chama cha Democratic, akiitia kuwa ya "kizalendo." Aliapa kufanya bidii na kupata uteuzi wa Democratic na kumshinda Trump.

Soma pia: Uchaguzi wa Marekani: Rais Joe Biden ampisha Kamala Harris

Biden amekabiliwa na miito ya mara kwa mara ya kumtaka ajiondoe mbioni kutokana na maswali kuhusu umri wake mkubwa na uwezo wa kiakili. Hii ilichochewa na namna Biden alivyofanya vibaya katika mdahalo wa televisheni dhidi ya Trump wiki tatu zilizopita. Harris anatarajiwa kupata uungaji mkono rasmi kutoka kwa wajumbe katika Mkutano Mkuu wa chama cha Democratic mjini Chicago mwezi ujao. Tangazo la Biden kumuidhinisha Harris lina uzito mkubwa wa kisiasa. Lakini, hana mamlaka ya kuwalazimisha wajumbe kumpigia kura aliyempendekeza.