ريئل ميڈرڈ اور چيلسی چيمپئنز ليگ کے سيمی فائنل ميں

منگل کی شب کھیلے گئے ایک کوارٹر فائنل مقابلے میں جرمنی کے فٹ بال کلب ڈورٹمنڈ نے اگرچہ اپنے ہوم گراؤنڈ میں ريئل ميڈرڈ کوصفر دو سے شکست دے دی تاہم دونوں کوارٹر فائنلز کے مجموعی اسکور کے سبب ميڈرڈ کی ٹيم سيمی فائنل تک رسائی حاصل کرنے ميں کامياب رہی۔ آٹھ اپريل کی رات کھيلے گئے اس ميچ ميں ڈورٹمنڈ کے مارکو ريئس نے پہلے ہاف ميں ہی دو گول کر دیے تھے اور اِسی اسکور پر ميچ ختم ہوا۔

ريئل ميڈرڈ کی ٹيم نے گزشتہ ہفتے اپنی ميزبانی ميں کھيلے جانے والے کوارٹر فائنل کے پہلے مرحلے ميں ڈورٹمنڈ کو تين صفر سے مات دی تھی۔ يوں دونوں مرحلوں کا مجموعی اسکور تين کے مقابلے ميں دو گول سے ميڈرڈ کے حق ميں رہا اور یہ ہسپانوی ٹيم اگلے مرحلے کے ليے کواليفائی کرنے ميں کامياب رہی۔ اِس ميچ ميں ريئل ميڈرڈ کی ٹيم کو اسٹار کھلاڑی کرسٹيانو رونالڈو کی خدمات حاصل نہ تھيں کيونکہ وہ انجیری کے باعث میدان میں نہ اتر سکے۔

دوسری جانب برطانوی کلب چيلسی نے لندن ميں اپنی ميزبانی ميں کھيلے جانے والے کوارٹر فائنل مقابلے کے دوسرے مرحلے ميں فرانسيسی کلب پيرس سينٹ جرمين کو صفر دو سے سے مات دی۔ چيلسی کے ليے اينڈرے شرلے نے تينتيسويں منٹ ميں پہلا گول اسکور کيا جبکہ ميچ کے87 ويں منٹ ميں ڈيمبا با نے اپنی ٹيم کے ليے دوسرا گول کرتے ہوئے سيمی فائنل تک پہنچنے کے اپنی ٹيم کے خواب کو يقينی بنا ڈالا۔

پہلے مرحلے کے کوارٹر فائنل ميچ ميں پيرس سينٹ جرمين نے چيلسی کو ايک کے مقابلے ميں تين گول سے شکست دی تھی اور يوں دونوں مرحلوں کے بعد مجموعی اسکور تين تين رہا تاہم چيلسی کو پيرس ميں مخالف ٹيم کے ميدان پر زيادہ گول کرنے کے سبب سيمی فائنل تک رسائی حاصل ہوئی۔

چيمپئنز ليگ کے کوارٹر فائنل مرحلے ميں آج بروز بدھ بھی چار اہم ٹيميں ميدان ميں اتر رہی ہيں۔ جرمن فٹ بال کلب ميونخ اپنے ہوم گراؤنڈ پر برطانوی کلب مانچسٹر يونائٹڈ سے کھیلے گا۔ اِن دونوں ٹيموں کے درميان اولڈ ٹريفرڈ ميں کھيلا جانے والا پہلے مرحلے کا ميچ ايک ايک گول سے برابر رہا تھا۔ آج نو اپريل کو دوسرا ميچ ہسپانوی ٹيم بارسلونا اور ايٹليٹيکو ميڈرڈ کے مابين ہوگا۔ اِن دونوں ٹيموں کے درميان بھی پہلے مرحلے کا ميچ ايک ايک گول سے برابر رہا تھا۔