Zelensky asema operesheni dhidi ya Urusi imeanza

Urusi imeripoti kuyazuia mashambulizi ya Ukraine katika upande wa mashariki na Kusini katika siku za karibuni. Zelensky alisema anafanya mawasiliano ya kila siku na makamanda wake wa kijeshi, akiwemo mkuu wa majeshi Valery Zaluzhny, na kuwa kila mmoja ana matumaini na mashambulizi dhidi ya Urusi.

Soma pia:Watu kadhaa wameuawa na wengine kujeruhiwa katika mji wa bandari wa Odessa nchini Ukraine

Wakati huo huo, Waziri Mkuu wa Canada Justin Trudeau alifanya ziara ya kushtukiza mjini Kyiv hapo jana. Trudeau, mwenye umri wa miaka 51, aliiahidi Ukraine msaada wa kijeshi wa kiasi cha dola za Kimarekani milioni 375, akiongeza kuwa Canada itakuwa sehemu ya mpango wa kimataifa wa kuwapa mafunzo marubani wa Ukraine wa ndege za kivita.