Waziri wa Mambo ya Nje wa Japan, Takeshi Iwaya, kwenda China

Japan imekiri uwepo wa changamoto na wasiwasi kuhusu mahusiano kati yake na China.

Hii itakuwa ziara ya kwanza ya Iwaya nchini China tangu kuchaguliwa kuwa waziri wa mambo ya nje wa Japan mapema mwaka huu.

Aliwaambia waandishi habari mjini Tokyo kwamba China inawakilisha mahusiano muhimu sana kwa taifa lake huku akisema kwamba mataifa hayo mawili yanaweza kufanya mambo makubwa pamoja na kwamba kuna changamozo na wasiwasi.

China na Japan ni washirika wakubwa wa biashara lakini mahusiano kati ya nchi hizo yameingia mikwaruzano iliyosababishwa na mvutano wa umiliki wa maeneo ya kikanda na kuoneshana nguvu za kijeshi kumesambaratisha zaidi uhusiano kati ya nchi hizo mbili katika miaka ya hivi karibuni.