Wavamizi wachoma basi na kuwauwa abiria 30 nchini Nigeria

Polisi na wakaazi wa eneo hilo wamesema tukio hilo ni moja kati ya mengine yanayokumbusha kuongezeka kwa ukosefu wa usalama katika nchi hiyo yenye idadi kubwa zaidi ya watu barani Afrika.

Kwa mujibu wa msemaji wa polisi katika jimbo hilo la kaskazini magharibi, Sanusi Abubakar, basi hilo lilikuwa na abiria 24 wakati lilipochomwa moto na watu saba ndani ya basi hilo walifanikiwa kutoroka wakiwa na majeraha na kupelekwa hospitali.

Lakini wakaazi wawili ambao walifika katika eneo la tukio na kusaidia kuondoa miili waliliambia shirika la habari la Reuters kwamba basi lilikuwa limejaa abiria zaidi na miili iliteketezwa moto kiasi cha kutoweza kutambuliwa.

Walihesabu sehemu za miili ya angalau watu 30, ikiwa ni pamoja na wanawake na watoto.