1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Maandamano KenyaKombe la EURO 2024 UjerumaniMzozo wa Israel na Hamas
SiasaAfrika

Watu 85 wauwawa kufuatia mapigano makali Sudan

Amina Abubakar
22 Mei 2024

Shirika la Madaktari wasio na mipaka la MSF limesema takriban watu 85 wamefariki katika hospitali moja kwenye mji wa El-Fasher huko Darfur tangu mapigano yalipozuka kati ya pande zinazozozana nchini Sudan Mei 10.

https://p.dw.com/p/4g8XT
Mwanawake na mtoto akikimbia vita Ukraine
Mwanamke na mtoto wakiwa katika punda kwenye kambi ya Wakimbizi Abu Shouk karibu na mji mkuu wa jimbo la Darfur Kaskazini el-Fasher Septemba 6, 2016.Picha: ASHRAF SHAZLY/AFP

Mkuu wa mpango wa dharura wa shirika hilo Claire Nicolet, amesema siku ya Jumatatu pekee majeruhi tisa kati ya 60 waliopokewa katika hospitali ya kusini ya El-Fasher, walikufa kutokana na majeraha waliyoyapata.

Kwa zaidi ya mwaka mmoja, mapigano yamekuwa yakiendelea kati ya jeshi la serikali chini ya Abdel Fattah al-Burhan, na wanamgambo wa RSF wanaoongozwa na Mohamed Hamdan Daglo.

El-Fasher ni mji mkuu pekee katika mkoa wa Darfur, ambaohaukochini ya udhibiti wa RSF na ni kitovu cha misaada ya kiutu katika kanda hiyo iliyo kwenye ukingo wa njaa.