Watu 54 wapoteza maisha India kwa kunywa pombe yenye sumu

Takribani watu 200 wanatibiwa tangu siku ya Jumatano kutokana na kutapika, kuharisha na kuumwa tumbo baada ya kunywa pombe inayoaminika kuongezwa kemikali ya metani katika wilaya ya Kallakurichi, karibu kilometa 250 kutoka mji mkuu wa jimbo la Tamil Nadu wa Chenai.

Serikali ya jimbo hilo ilisema kuwa imechukua hatua kubaini wale waliohusika na utengenezaji wa metani, kemikali yenye sumu ambayo kawaida hutumika viwandani.

Polisi wanachunguza tukio hilo na wanawashikilia watu 7 hadi kufikia sasa. Vifo vitokanavyo na unywaji wa pombe zinazozalishwa kienyeji nchini India, hutokea mara kwa mara ambako ni watu wachache wanaoweza kumudu pombe za viwandani.