Watu 13 wameuwawa katika mapigano Pakistan

Taarifa yao inasema wapiganaji waliosheheni zana za kijeshi walilivamia eneo la kijeshi la Frontier Corps huko Muslim Bagh, jimboni Balochistan na kuteka familia tatu katika jengo la makaazi. Hadi wakati huu hakuna kundi lililodai kuhusika na shambulio hilo, lakini makundi ya yanayopigania kujitenga kwa jimbo hilo la kusini magharibi wamekuwa mara kwa mara wakivilenga vikosi vya usalama. Vile vile kundi la Taliban la Pakistan lina nguvu kubwa katika eneo hilo. Pakistan imeshuhudia ongezeko kubwa la mashambulizi tangu kundi la Taliban la Afghanistan kurejea madarakani mwaka 2021.