1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Michezo ya Olimpiki ya Paris 2024Maandamano KenyaMzozo wa Israel na Hamas
SiasaAfrika

Wanajeshi 25 wahukumiwa kifo Kongo

Mohammed Khelef
4 Julai 2024

Wanajeshi 25 waliotiwa hatiani kwa kumkimbia adui wakati wa mapigano na kundi la waasi la M23 mashariki mwa Jamhuri ya Kidemokrasia ya Kongo wamehukumiwa kifo kwenye kesi iliyofanyika jana huko Kivu Kaskazini.

https://p.dw.com/p/4hqJ6
DR Kongo Kibumba 2022 | M23
Waasi wa kundi la M23 mashariki mwa Jamhuri ya Kidemokrasia ya Kongo.Picha: Moses Sawasawa/AP Photo/picture alliance

Kwa mujibu wa mawakili wao, kesi hiyo iliwajumuisha watuhumiwa 31, wakiwemo wanajeshi 27 na wanne kati ya wake zao.

Kesi hiyo iliendeshwa kwenye mahakama ya kijeshi ya Butembo, karibu na mstari wa mbele wa mapambano.

Soma zaidi: Wanne wauawa, 25 wajeruhiwa kwa mabomu ya M23

Miongoni mwa mashitaka waliyoshitakiwa nayo yalikuwa ni kuharibu silaha za kivita, kukaidi amri halali na wizi, ambapo wanajeshi 25, wakiwemo makapteni wawili, walihukumiwa kifo.

Waliosalia, wakiwemo wake zao, waliachiwa huru kwa kukosekana ushahidi. Kundi la M23 limetwaa udhibiti wa miji kadhaa muhimu , ukiwemo mji wa kimkakati wa Kanyabayonga, unaounganisha miji miwili ya kibiashara ya Butembo na Beni.