Waliojaribu mapinduzi Sudan wafungamanishwa na Al-Bashir

Waziri wa habari Hamza Baloul amesema wamefanikiwa kudhibiti jaribio la mapinduzi la maafisa wa kijeshi asubuhi ya Jumanne.

Kwa mujibu wa waziri huyo viongozi wa mapinduzi hayo wamekamatwa.

Vikosi vya usalama inaarifiwa kwamba vimelifunga daraja kuu la kupita Mto Nile linalouunganisha mji wa Khartoum kwenda mji wa Omdurman.

Sudan inaongozwa na serikali ya mpito iliyopatikana baada ya kuondolewa kwa nguvu madarakani rais wa zamani Omar al Bashir, serikali ambayo inawajumuisha wajumbe wa kijeshi na kiraia.