Wahamiaji wapambana kuvuka mpaka wa Mexico kuingia Marekani

Kuondolewa kwa kanuni hizo kunaitishia kuongeza wimbi la wahamiaji wengi kutoka mataifa ya Amerika ya Kusini wanaovuka mpaka na kuingia Marekani kutafuta maisha bora. Mamia ya watu wameonekana wakitumia nguo kuvuka vizuizi vya seng´eng´e katika mpaka wa kusini wa Marekani licha ya onyo kutoka kwa mamlaka za nchi hiyo kwamba itawarejesha walikotoka. Afisa mmoja wa Marekani amesema idadi ya watu wanaojaribu kuingia nchini humo ilifikia 10,000 siku ya Jumanne kiwango ambacho ni maradufu ya takwimu za mwezi Machi. Hata hivyo utawala wa rais Joe Biden  tayari umeidhinisha kanuni mpya zitakazowapa nguvu maafisa usalama kuwarejesha makwao wahamiaji kabla ya kuomba hifadhi.