Vita vya Ukraine: Urusi yaishambulia miji ya Kiev na Odessa

Meya wa mji wa Kiev Vitali Klitschko, amesema watu watano wamejeruhiwa katika mashambulizi ya ndege zisizo na rubani, na watawala wa kijeshi wamesema ndege zipatazo 30 zisizo na rubani zimegunduliwa na kudunguliwa katika anga ya mji huo mkuu.

Katika mji wa Odessa, shambulizi la kombora limeharibu ghala la chakula.

Mashambulizi haya yamefanyika wakati Ukraine ikiadhimisha siku utawala wa kinazi wa Ujerumani uliposhindwa, kumbukumbu ambazo nchini Urusi hufanyika tarehe 9 Mei.