Viongozi wa neo-Nazi kufikishwa mahakamani Jena.

 Jena, Ujerumani.

Watu hao wanatuhumiwa kuanzisha kile kinachojulikana kama kundi la ''Knockout 51''. Waendesha mashtaka wametuhumu kwamba washukiwa hao walikuwa wakipanga njama ya kuwauwa wanaharakati wa siasa za mrengo wa shoto na wawili kati yao wamedaiwa walikuwa wakimiliki silaha. Kwa mujibu wa waendesha mashataka wa shirikisho, Kundi hilo lenye makao yake katika mji wa Eisenach lilianza kupanga njama ya kuwauwa wanachama wa siasa kali za mrengo wa shoto Aprili mwaka 2021 au mapema zaidi. Kesi hiyo  imeendeshwa chini ya ulinzi mkali nje ya majengo ya mahakama.