Urusi na Ukraine mambo bado si shwari

Jeshi la anga la Ukraine limesema kuwa kombora moja liliharibiwa ndani ya Kiev. Makombora mengine yaliangukia karibu na uwanja mdogo wa ndege, miundombinu ya kiraia na eneo la makaazi.

Urusi nayo imesema vikosi vyake vimefanikiwa kuimarisha maeneo yake ya mapambano kwenye maeneo mawili ya makaazi karibu na mji wa Kupiansk, kaskazini mashariki mwa Kharkiv.

Wizara ya ulinzi ya Urusi imesema vikosi vyake vimeimarisha mbinu zake kwenye maeneo ya mapambano karibu na Vilshana na Pershotravneve.

Aidha, Rais wa Ukraine, Volodymyr Zelensky, ametangaza leo kuwa wakuu wa vituo vyote vya kuandikisha makuruta wamefutwa kazi kutokana na madai ya ufisadi.