1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
Haki za binadamuUjerumani

Ujerumani yahimiza uwajibikaji wa kimataifa ukanda wa Gaza

Babu Abdalla
21 Novemba 2023

Waziri wa mambo ya nje wa Ujerumani ametoa wito kwa jamii ya kimataifa kuchukua jukumu muhimu la kulinda raia katika ukanda wa Gaza baada ya mzozo wa sasa kati ya Israel na kundi la wanamgambo la Hamas kukamilika.

https://p.dw.com/p/4ZF19
Berlin, ujerumani | Annalena Baerbock katika mahojiano na mwandishi wa DW Jaafar Abdul Karim
Waziri wa mambo ya nje wa Ujerumani Annalena Baerbock katika mahojiano na mwandishi wa DW Jaafar Abdul KarimPicha: Ronka Oberhammer/DW

Akizungumza na mwandishi wa DW Jaafar Abdul-Karim, Baerbock amehimiza jamii ya kimataifa kufanya juhudi zaidi kupunguza mzozo kwa sasa.

Aidha ametetea msimamo wa Ujerumani wa kuhimiza usitishwa wa vita kwa muda mrefu, na kusisitiza kuwa kipaumbele kwa wakati huu kinapaswa kupeleka misaada ya kibinadamu kwa wakaazi wa Gaza.

Mwanadiplomasia huyo wa Ujerumani ameeleza kuwa, pindi tu mzozo wa sasa utakapokamilika, jamii ya kimataifa inapaswa kuhakikisha hali ya utulivu inarudi katika ukanda wa Gaza ndani ya muktadha wa suluhisho la mataifa mawili kwenye mzozo wa Israel na Palestina. Ameiambia DW kuwa, "ili kuhakikisha usalama, tunahitaji uwajibikaji wa kimataifa."

Waziri huyo wa mambo ya nje wa Ujerumani ameitembelea Israel mara tatu tangu mzozo ulipozuka mnamo Oktoba 7 wakati wanamgambo wa Hamas walipofanya shambulizi ndani ya ardhi ya Israel na kuua watu 1,200 na kuwachukua mateka watu 240.