Ugiriki kuwafunza marubani wa Ukraine kurusha ndege za F-16

Hiyo ni baada ya taifa lake kupata ahadi ya kupokea aina hiyo ya ndege kutoka Denmark na Uholanzi.

Kiongozi huyo ametoa taarifa hiyo baada ya kufanya mazungumzo na Waziri Mkuu wa Ugiriki Kyriakos Mitsotakis mjini Athens Jumatatu jioni. Zelensky alikwenda Ugiriki kwa ziara fupi kushiriki kikao cha viongozi wakuu wa mataifa ya mashariki mwa Ulaya na kanda ya Balkani.

Amesema Ukraine imeukaribisha kwa mikono mwili utayari wa Ugiriki kuwafunza marubani wake kuzirusha ndege chapa F-16 ambazo serikali mjini Kyiv inatarajia kuanza kuzipokea katika miezi inayokuja.

Jeshi la Anga la Ugiriki kwa sehemu kubwa linatumia aina hiyo ya ndege na marubani wake wanasifika kwa ujuzi mkubwa wa kuzitumia. Mnamo mwishoni mwa juma Ukraine iliahidiwa kupatiwa ndege karibu 60 za aina hiyo kuimarisha anga yake dhidi ya hujuma za Urusi