Ufaransa yaisambaratisha Uholanzi 4-0

Na katika michezo Kylian Mbappe ameanza vyema kukitetea cheo chake cha unahodha katika timu ya taifa ya soka ya Ufaransa baada ya jana usiku kuwacharaza Uholanzi mabao 4-0 kwenye mechi ya kufuzu kushiriki michuano ya Euro 2024, huku Romelo Lukaku wa Ubelgiji akifanikiwa kuchana nyavu kwa Hat-Trick dhidi ya Sweden.

Hii ni mara ya kwanza kwa Uholanzi kufungwa mabao manne tangu ilipofungwa idadi kama hiyo na Ufaransa, mwaka 2017 mjini Paris. Katika mechi inayofuata, Ufaransa itakuwa ugenini ikikwaana na Jamhuri ya Ireland na Uholanzi ikiikaribisha Gibratal.