Tsai: Amani ni suluhisho kati ya Taiwan na China

Amesisitiza umuhimu wa kisiwa hicho chenye utawala wake wa ndani, kujilinda dhidi ya vitisho vya China kutaka kukivamia.

Katika hotuba aliyoitoa wakati wa sikukuu ya kitaifa hivi leo rais Tsai amesema jumuiya ya kimataifa inauona utulivu na uthabiti wa eneo la mlango bahari wa Taiwan kama kipengee muhimu kwa usalama na ustawi wa dunia.

China inakichukulia kisiwa cha Taiwan kama himaya yake na imekuwa ikipeleka meli na madege ya kivita katika mlango bahari wa Taiwan katika juhudi ya kuwatisha wakazi milioni 23 ambao wengi wanaounga mkono kuendelea kuwa na uhuru wao wa ndani.