Rwanda yadai mkoasoaji wake aliyetoweka aliingia Uganda

Bahati mwenye umri wa miaka 29 ambaye aliweka katika mtandao wa Youtube mashairi yanayoikosoa serikali, alitoweka tarehe 7 Februari mwaka uliopita, hali iliyosababisha hofu miongoni mwa makundi yanayoituhumu serikali ya Rwanda kutovumilia sauti za ukosoaji.

Msemaji wa kitengo cha uchunguzi wa uhalifu cha Rwanda, RIB  Thierry Murangira amesema hapo jana kuwa uchunguzi wao umeonyesha kuwa Bahati mara kadhaa aliwahi kuingia Uganda kupitia njia zisizo rasmi, na alikuwa na mawasiliano na maafisa wa Usalama wa Uganda na watu kutoka makundi yanayoipinga serikali ya mjini Kigali.