Rais wa Marekani Biden awasili India kwa mkutano wa G20

Kufuatia hatua ya Rais Vladimir Putin wa Urusi na Rais Xi Jinping wa China kutohudhuria, Biden anatumai kutumia fursa hiyo kuongeza ushawishi wa nchi yake.

Kulingana na taarifa kutoka Ikulu yake White House, baada ya kuwasili, Biden anatarajiwa kukutana na waziri mkuu wa India Narendra Modi na atazungumza pia na viongozi wengine pembezoni.

Katika tukio jingine, rais wa Baraza la Umoja wa Ulaya Charles Michel  amesema Umoja wa Afrika uko mbioni kujiunga na kundi la nchi zenye uchumi mkubwa wa viwanda ulimwenguni G20.

Michel amesema makubaliano miongoni mwa  wanachama wa G20  kuujumuisha Umoja wa Afrika yalikuwa ishara nzuri. Haijabainika waziwazi ni lini umoja wa Afrika utakuwa mwanachama rasmi wa G20.