Rais Biden amualika Waziri Mkuu wa Uingereza Sunak

Rais wa Marekani Joe Biden amemualika Waziri Mkuu wa Uingereza Rishi Sunak katika Ikulu ya White House mwezi Juni mwaka huu.

Viongozi hao wawili watajadili mpango wa kuendelea kuwa na ushirikiano wa pamoja wa kiuchumi.

Mualiko huo umetolewa wakati viongozi hao walipokuwa San Diego, California, kuhudhuria uzinduzi wa mpango wa pamoja wa kununua nyambizi zinazotumia nguvu ya nishati ya nyuklia za Marekani.

Wakati wa mkutano wake na Rishi Sunak, Biden aliwaambia waandishi habari kwamba anapanga kutembelea Ireland na Ireland Kaskazini zinazojiandaa kuadhimisha miaka 25  ya makubaliano ya amani ya Ijumaa kuu Aprili 10.