Putina asema mapigano ya Zaporizhzhia ni makali

Putin ambaye yuko mjini Saint Petersburg, amewapongeza wanajeshi wake kwa kile alichosema ni kuzuia mashambulizi ya Ukraine na kudai kwamba wamelitia hasara kubwa jeshi la Ukraine.

Madai ya Putin lakini hayajaweza kuthibitishwa na vyanzo huru.

Kulingana na maafisa wa nchi za Magharibi na Ukraine na hata wachambuzi, Ukraine imeanzisha mchakato wa kuyatimua majeshi ya Urusi kutoka kusini mashariki mwa nchi hiyo, kama sehemu ya mashambulizi yake ya wiki nzima ya kulipiza kisasi, ambapo wamepeleka maelfu ya majeshi katika eneo la mapambano.

Kumekuwa na mapigano makali katika wiki za hivi karibuni katika maeneo kadhaa huko Zaporizhzhia ambako majeshi ya Urusi yalivamia miezi 27 iliyopita.