Aliyewapiga risasi wanafunzi wa Kipalestina Marekani asakwa

Taarifa ya polisi imesema mwanaume mwenye bunduki ndogo aliwapiga risasi wanafunzi hao jirani na Chuo Kikuu cha Vermont na kisha kutokomea kusikojulikana. 

Polisi imesema wote watatu wanapatiwa matibabu hospitali huku wawili kati yao wakionesha kupata ahueni lakini mmoja bado yuko kwenye hali dhaifu kutokana na majeraha makubwa aliyoyapata.

Inaarifiwa watatu hao walikuwa wakizungumza kwa lugha ya kiarabu pale waliposhambuliwa na waendesha mashtaka wanashuku kuwa kisa hicho huenda kimechochewa na chuki.

Shambulizi hilo limetokea katika wakati visa vya chuki dhidi ya waislamu na wayahudi vimeongezeka nchini Marekani tangu kuzuka kwa mapigano kati ya Israel na kundi la Hamas huko Ukanda wa Gaza.