Nikki Haley ang'ang'ania kuwania urais licha kushindwa tena

Kwa mara nyengine, Haley ameshindwa vibaya kwenye kura za mchujo za majimbo, mara hii katika jimbo la Nevada.

Balozi huyo wa zamani wa Marekani kwenye Umoja wa Mataifa alishindwa katika kura hizo za mchujo kupitia chama cha Republican siku ya Jumanne, ingawa alikuwa mgombea pekee aliyeorodhoshwa.

Msemaji wa Haley, Olivia Perez-Cubas, amepuuza hatua hiyo na kudai zoezi zima lilimpendelea Turmp.

Haley, alipata asilimia 31 tu dhidi ya 63 ya kura ambazo hazikumchagua mgombea yoyote, hii ikiwa ni kulingana na maafisa waliosimamia zoezi hilo huko Nevada.