Nigeria yakabiliwa na kitisho cha maandamano wiki hii

Wanasiasa na jeshi la nchi hiyo wametowa tahadhari kwa wananchi dhidi ya kuingia mitaani ingawa waandaaji wa maandamano hayo wamesema kushindwa kwa serikali ndiko kumewafanya kukosa namna nyingine.

Japo bado haijafahamika maandamano hayo yatachukuwa sura gani lakini yamefananishwa na kile kilichotokea hivi karibuni nchini Kenya.

Maandamano makubwa nchini Kenya ya vijana yaliilazimisha serikali ya Rais William Ruto kuondowa muswaada wa nyogeza ya kodi. Maandamano ya nchini Nigeria yamepangwa kuanza Alhamisi wiki hii.

Soma pia: Jeshi la Nigeria laonya dhidi ya ghasia za mtindo wa Kenya

Wakati huo huo, polisi nchini Uganda wanaendelea na operesheni ya kuwakamata vijana wanaondamana kupinga ufisadi nchini humo huku Rais Yoweri Museveni akiahidi kuwapa msahaha vijana waliokamatwa ikiwa watawafichua watu wanaowafadhili.

Takriban watu 104 kwa mujibu wa shirika la habari la Reuters wamekamatwa kufuatia maandamano.

Wengi waliokamatwa wamefunguliwa mashtaka ya kuvuruga usalama wa  umma kwa mujibu wa taarifa ya polisi. Vijana nchini Uganda walioanzisha maandamano hayo, hata hivyo wamemkosoa Rais Museveni.