Mvua ya mabao Allianz Arena

Bayern walivuna ushindi wa magoli 5-0 katika uwanja wao wa nyumbani wa Allianz Arena katika mpambano wa Ligi Kuu ya Ujerumani, Bundesliga.

Kwa ushindi huo Bayern sasa wanaishikilia nafasi ya pili katika msimamo wa Bundesliga wakiwa na pointi 19 pointi nne nyuma ya vinara Union Berlin ambao hiyo Jumapili pia walipata ushindi wa rahisi wa 2-0 walipokuwa wakikwaana na Borussia Dortmund.

Janik Haberer ndiye aliyekuwa mfungaji wa mabao yote mawili ya Union katika mechi ambayo Dortmund ilishuhudia kurudi kikosini kwa nahodha wao Marco reus aliyekuwa nje kwa mechi kadhaa kutokana na jeraha.

Orodha ya wafungaji bora inaongozwa na Niclas Fulkrüg mshambuliaji wa Werder Bremen aliye na jumla ya magoli 8 kufikia sasa naye Marcus Thuram na Christopher Nkunku wanamfuata wakiwa na mabao 7 kila mmoja.

Daichi Kamada na Sheraldo Beckker wana mabao 6 kila mmoja kisha orodha ya wenye mabao 5 inatawalwa na wachezaji wa Bayern Sadio Mane, Leroy Sane na Jamal Musiala kisha Dodi Lukebakio ndiye mwengine aliye kwenye orodha hiyo.