1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
MigogoroMashariki ya Kati

Amos: Usitishwaji vita kati ya Israel na Hezbollah wakaribia

Bakari Ubena
20 Novemba 2024

Mjumbe wa Marekani anayehusika na Mashariki ya Kati Amos Hochstein amesema makubaliano ya kusitisha vita kati ya Israel na kundi la Hezbollah yanakaribia kufikiwa.

https://p.dw.com/p/4nBP1
Mjumbe wa Marekani anayehusika na Mashariki ya Kati Amos Hochstein
Mjumbe wa Marekani anayehusika na Mashariki ya Kati Amos Hochstein Picha: Hassan Ammar/AP/picture alliance

Mjumbe huyo wa Marekani amekutana na spika wa bunge la Lebanon Nabih Berri anayeliwakilisha kundi la  Hezbollah katika mazungumzo hayo ambayo kwa kiasi kikubwa yanasimamiwa na Marekani na Ufaransa.

Ziara ya Hochstein inafanyika katika wakati ambapo mapambano yanaendelea kuripotiwa kati ya Israel na Hezbollah. Shirika la Umoja wa Mataifa la kuwahudumia watoto UNICEF limesema watoto 200 wameuawa nchini Lebanon miezi miwili tu vilipoanza vita hivyo.