Medvedev asema Moscow italipa kisasi vikwazo vya magharibi

Medvedev ameandika kwenye mitandao ya kijamii kwamba ni wazi sababu iliyo nyuma ya vikwazo hivyo ni kuwaumiza raia wa Urusi na kwa maana hiyo watahakikisha wanalipa kisasi kwa namna inavyowezekana.

Amesema mataifa yote ya magharibi ni maadui zao.

Rais wa Marekani Joe Biden alitangaza vikwazo vipya 500 dhidi ya Urusi jana Ijumaa ikiwa ni mwaka wa pili tangu Urusi ilipoivamia Ukraine. Biden ameapa kuendeleza shinikizo kuzuia vita vya rais wa Urusi Vladimir Putin.