Man United yaitumbukiza gizani zaidi Everton

Hatua hiyo ilitokana na Everton kupatikana na hatia ya kukiuka sheria za matumizi ya fedha katika masuala ya kuwanunua wachezaji. Klabu hiyo imekata rufaa kutokana na uamuzi huo wa ligi kuu na wanasubiri uamuzi kuhusiana na hiyo rufaa yao.

Na sasa baada ya mechi ya jana ambapo walifungwa 3-0 na Manchester United katika uwanja wao wa nyumbani Goodison Park, kocha wa hao the Toffees Sean Dyche alisema kwa sasa, hakuna wanaloweza kufanya ila kukubali matokeo na kusonga mbele.

"Tazama, tunaweza kulia na kusema tumeonewa ambapo ni jambo ambalo sote tunafikiri ni hivyo na nafikiri kila mmoja anafikiri ni hivyo ila ukweli ni kwamba, adhabu tumeshapewa. Kwa hiyo tupambane nayo, unajua mimi si mtu wa kulia lia, hili lishatokea labda rufaa iamuliwe vinginevyo, wacha tuone litakalotokea. Ila hatuezi kuhakikisha chochote. Bila shaka nimewaambia wachezaji, tunachoweza kukihakikisha kwa sasa ni kinachotokea kwa sasa na tunachoweza kufanya," alisema Dyche.

Kwa sasa everton wanaishikilia nafasi ya 19 katika msimamo wa Ligi Kuu ya England wakiwa na pointi 4 tu.

Vyanzo: AP/Reuters