1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Michezo ya Olimpiki ya Paris 2024Maandamano KenyaMzozo wa Israel na Hamas
SiasaNiger

Maelfu waandamana Niger kutaka Ufaransa iondoe vikosi vyake

2 Septemba 2023

Maelfu ya watu wameandamana leo kwenye mji mkuu wa Niger, Niamey, kushinikiza Ufaransa kuondoa vikosi vyake nchini humo kama walivyotakiwa na viongozi wa kijeshi waliofanya mapinduzi mwezi Julai.

https://p.dw.com/p/4Vsok
Niger Niamey | Demonstranten fordern den französischen Botschafter auf das Land zu verlassen
Tangu mapinduzi yalipotokea, rais wa Niger wamejitokeza kuyaunga mkono na kuipinga Ufaransa.Picha: Mahamadou Hamidou/REUTERS

Waandamanaji walikusanyika nje ya kambi inayowahifadhi wanajeshi wa Ufaransa wakiitikia mwito wa makundi ya kiraia yanayopinga uwepo wa jeshi la mkoloni huyo wa zamani wa Niger. Walibeba mabango yenye ujumbe unaosema "Jeshi la Ufaransa ondokeni nchini mwetu".

Hapo jana kwa mara nyingine watawala wa kijeshi wa Niger waliituhumu Ufaransa "kuingilia bila kificho" masuala ya ndani ya taifa hilo kwa kushinikiza rais aliyepinduliwa arejeshwe madarakani.

Rais Mohammed Bazoum, mshirika wa karibu wa Ufaransa ambaye kuchaguliwa kwake mwaka 2021 kulileta matumaini ya uthabiti nchini Niger, aliondolewa madarakani kwa nguvu mnamo Julai 26.