Macron afanya mazungumzo na Le Pen kuhusu Waziri Mkuu

Mkutano wao umefanyika katika wakati shinikizo likizidi kumtaka ateue waziri mkuu baada ya uchaguzi wa bunge wa Julai ambao haukutoa mshindi wa moja kwa moja.

Le Pen pamoja na wanachama wa chama chake cha National Rally waliingia Ikulu ya Elysee bila ya shamrashamra yoyote kabla ya mkutano huo, ingawa Rais Macron hakuonekana.

Tangu Alhamisi, Macron aliwaalika viongozi wa vyama vya siasa huko Elysee kwa matumaini ya kupata mgombea asiyetiliwa shaka na pande zote.

Uchaguzi wa mapema ulioitishwa na Macron mwezi uliopita ulishindwa kuiondoa Ufaransa kutoka kwenye mkwamo wa bunge ambao ulishuhudia kambi yake ikiongoza serikali ya walio wachache tangu 2022.