Lavrov kukutana na viongozi wa kijeshi wa Sudan

Kwa mujibu wa kaimu Waziri wa Mambo ya Nje wa Sudan, Ali al-Sadiq, mazungumzo hayo yanatarajiwa kuangazia zaidi jukumu la Khartoum katika masuala ya nchi jirani zinazokumbwa na migogoro ikiwemo Chad, Sudan Kusini na Jamhuri ya Afrika ya Kati.

Ziara ya Lavrov nchini Sudan inajiri wakati wanadiplomasia wakuu wa Marekani na mataifa mengine ya Ulaya wamehitimisha siku mbili za mazungumzo na viongozi wa kijeshi wa Sudan na vikundi vinavyounga mkono demokrasia ili kushinikiza makubaliano ya mwisho ya kuirejesha nchi hiyo katika kipindi cha mpito kuelekea utawala wa kidemokrasia.