Lavrov aionya Ufaransa kuhusiana na kupeleka jeshi Ukraine

Lavrov ameyasema haya huko Oyo katika Jamhuri ya Kongo katika ziara yake ya Afrika, bara ambalo nchi kadhaa zinaonekana kuegemea upande wa Urusi sasa baada ya kutopiga hatua na kushushwa mabega na mataifa ya Magharibi. Waziri huyo wa mambo ya nje wa Urusi vile vile amesema kwamba anaunga mkono kufanyika kwa mazungumzo ili kuleta upatanishi baina ya pande zinazozozana nchini Libya. Lavrov ameyasema haya baada ya kufanya mkutano na Rais wa Jamhuri hiyo ya Kongo Denis Sassou Nguessoambaye ni mwenyekiti wa kamati ya ngazi ya juu kuhusiana na Libya katika umoja wa Afrika. Libya imegawika huku kukiwa na serikali inayotambulika na Umoja wa Mataifa iliyo na makao yake mjini Tripoli na ikiwa inaongozwa na Abdelhamid Dbeibah na serikali hasimu ya mashariki mwa nchi hiyo iliyo chini ya khalifa Haftar ambaye ana mahusiano ya karibu na Urusi.