Korea Kaskazini yafyetua makombora mapya

Hilo ni tukio la hivi karibuni kabisa katika msururu wa ufyatuaji makombora kufuatia luteka za kijeshi zinazoendelea kati ya Marekani na Korea Kusini.

Jeshi la Korea Kusini limelaani vikali harakati hizo na kusema ni uchochezi mkubwa unaokiuka maazimio ya Baraza la Usalama la Umoja wa Mataifa na kuitaka Pyongyang kusitisha mara moja vitendo hivyo.

Serikali ya Japan pia imepinga vikali hatua hiyo ya Korea Kaskazini, ikisema kurushwa kwa makombora hayo kunatishia si tu usalama na amani wa Japan, bali pia wa kanda nzima na hata Jumuiya ya kimataifa.

Korea Kaskazini imesema itaendelea na majaribio mengine ikiwa Marekani na Korea Kusini hawatositisha luteka yao ya kijeshi.