Kongamano la Kimataifa la Vyombo vya Habari laanza leo Bonn

Akizungumza katika kongamano hilo waziri wa mambo ya nchi za nje wa Ujerumani Annalena Baerbock amesema sio jambo la kukubalika kwa waandishi habari kuuwawa wakiwa kazini kama inavyotokea Gaza. 

Maudhui makuu ya kongamano hilo linalofanyika leo na kesho hapa bonn, ni kusaka masuluhisho katikati ya changamoto na vitisho kadha wa kadha vinavyoletwa na teknolojia ya akili mnemba, ambako waziri huyo wa mambo ya nchi za nje wa Ujerumani ametoa tamko juu ya hilo na kusema AI ni kitisho na fursa kwa ulimwengu wa habari na demokrasia. 

Soma pia:GMF: Kuchangiana Masuluhisho dunia inapokabiliwa na migogo

Mengine yatakayojadiliwa ni usalama wa wadau wa vyombo vya habari kisaikolojia kimwili kisheria na kiuchumi. Kwa sababu pia mwaka huu wa 2024 ni mwaka ulio na chaguzi nyingi kuanzia  India Umoja wa Ulaya na Marekani, namna ya kuripoti chaguzi mbali mbali pia ni jambo litakalokuwepo mezani kujadiliwa.