Kiongozi maarufu wa upinzani Tunisia akamatwa

Wakili wake amesema Ben Mbarek ambaye ni mwanachama wa ngazi za juu wa muungano wa upinzani wa National Salvation Front FSN, na kiongozi wa vuguvugu linaloitwa "raia dhidi ya mapinduzi" alikamatwa jana usiku na hadi sasa hajafunguliwa mashtaka yoyote.

Ben Mbarek ambae ni mbobezi wa masuala ya sheria kama alivyo Rais Kais, alimuunga mkono katika jitihada zake za urais mwaka 2019, lakini tangu wakati huo amekuwa ni mkusoaji mkubwa wa serikali iliyoko madarakani.

Tunisia imeshuhudia wimbi la kamatakamata la viongozi wa kisiasa na wakosoaji wa rais, huku tukio la hivi karibuni zaidi likiwa ni siku ya Jumatano ambapo polisi ilimkamata mwanasiasa mkongwe Chaima Issa.